Ҳаҭыр зқәу Лизберт Заури-иԥа!

Аԥсны Атәылахьчара аминистрра анапхгареи, хаҭала сареи ҳахьӡала шәиубилеи шәыдысныҳәалоит!

Шәара шәыԥсҭазаара зегьы Аԥсадгьыл ахьчара иазкуп. Аԥсны жәлар Рџьынџьтәылатә еибашьразы абџьар нкыланы шәтәыла ахьчара шәазгылеит. Аибашьра ашьҭахьтәи аамҭа уадаҩқәа раангьы уи акәын шәымч-шәылша ззырхаз. Иахьа уажәраанӡагьы шәыжәлар рымаҵ шыжәуыц ижәуеит, аҳәынҭқарра ахьчара аус шәаҿуп.

Ҳара зегьы шәеицаадыруеит аԥышәа дуи апрофессионалтә дырреи змоу уаҩԥсык, командаҟаҵаҩык иҳасаб ала. Шәара ишәнаабаалоит аиҳабыратә абиԥара иаҵанакуа  аофицартә корпус аҟазшьақәа, атрадициақәа. Аӡәырҩы рзы шәызнысыз амҩа ҿырԥшыгоуп, иааӡагоуп.

Шәхаҭаратә ҟазшьа ҷыдақәа иалдыршеит еиуеиԥшым хырхарҭала, имариамыз ауснагӡатәқәа рынагӡара, шәҿаԥхьа иқәгылаз иарбанызаалак аусдҵақәа қәҿиарала рҭыԥ ақәҵара.

Ҳаҭыр зқәу Лизберт Заури-иԥа, ишәыдышәкыл гәык-ԥсык алатәи адныҳәалара. Иаҳхылаԥшхәу ишәаҭәеишьааит ақәранҵыра ду, шәнапы назлашәкуа аусқәа зегьы рҿы ақәҿиарақәа шәымазааит!

Атәылахьчара аминистр и.н.

аинрал-полковник Б. А. Ҵәыџьба

Ҳаҭыр зқәу аҩызцәа!

Ишәыдысныҳәалоит Аԥсны Аҳәынҭқарра Аконституциа Амш!

Абҵара 26 – ҳара зегьы ҳзы иҷыдоу аҵакы змоу рыцхәуп. 27 шықәса раԥхьа, абри амш аҽны Аԥсны Аҳәынҭқарра Иреиҳаӡоу Ахеилак асессиаҿы ирыдыркылеит атәыла азакәан хада – Аԥсны Аҳәынҭқарра Аконституциа.

Аԥышәара дуқәа ирхысны, Аԥсадгьыл ахьчаҩцәа иреиӷьӡақәаз рыԥсҭазаарақәа ахҭынҵаны инеиуан ҳажәлар Аҳәынҭқарра аиурахь, ашьақәыргыларахь. Хашҭра рықәымзааит ҳтәыла ссир Аԥсны ахақәиҭреи ахьыԥшымреи азаазгаз.

Атәыла адокумент хада иҳәаақәнаҵоит Аԥсны Аҳәынҭқарра ашьақәгылашьа, атәылауаа рзин хадақәеи рҭакԥхықәрақәеи. Ҳара зегь ҳҿаԥхьа иқәгылоуп азеиԥш ус – Аконституциа иаҳнаҭаз амазарақәа рыхьчара.

Ҳтәыла ашәҭыкакаҷроуп зегьы ҳнеибанеиԥшны иаҳҭаху. Ҳамчқәа еилаҵаны, аӡәк иеиԥш ҳаидгыланы ауп ишҳалшо аҳәынҭқарра арӷәӷәаразы ҳнап иану аусқәа рынагӡара, аекономика ашьҭыхра, ауаажәлар рыбзазара аизырҳара, аҭышәынтәалара, ашәарҭадара. Ҳаицҭакԥхықәроуп атәыла уаҵәтәи амш лашара алзыршоны иҟоугьы.

Ҳаҭыр зқәу, аҩызцәа! Агәра згоит Аԥсны Аҳәынҭқарра Аконституциа Амш ахааназгьы хакзаареи, ҳаидгылареи, ҳаилаҵәареи ирсимволны ишыҟало, ҳаԥсадгьыл уаҵәтәи амш иашьананы ишыԥхьаӡахо. Ишәзеиӷьасшьоит агәабзиара, анасыԥ, аманшәалара шәҭаацәарақәеи шәареи! Аныҳәа шәадныҳәалаз!

Атәылахьчара аминистр

аинрал-полковник В. И. Ануа

Министерство обороны Республики Абхазия в рамках реализации проекта по восстановлению авиасообщения между Республикой Абхазия и Российской Федерацией, совместно со специалистами Южного военного округа Вооруженных Сил Российской Федерации проводит инженерную разведку территории международного аэропорта «Сухум» имени В. Г. Ардзинба на предмет обнаружения взрывчатых веществ.

В Министерстве обороны Республики Абхазия прошли инструкторско-методические занятия по предметам боевой подготовки.

Занятия проходили в период с 17 по 18 ноября на базе Сухумского высшего общевойскового командного училища. По словам руководителя занятий – начальника Генерального штаба Вооруженных Сил, «инструкторско-методические занятия проходили в соответствии с планом подготовительного периода и в целях повышения методической подготовки офицерского состава Министерства обороны, Генерального штаба Вооруженных Сил Республики Абхазия, воинских частей и отдельных подразделений».

В ходе проведения занятий отрабатывались действия в составе подразделения при подъеме по тревоге, организация службы войск и безопасности военной службы, практический показ порядка проведения занятий по предметам боевой подготовки.

На 6-ти учебных местах и 6-ти учебных точках военнослужащим показали методику проведения занятий по предметам боевой подготовки и дали практику в проведении вышеуказанных занятий.

На занятие привлекались – офицеры управлений, отделов, служб и учреждений Министерства обороны и Генерального штаба ВС РА, командиры и начальники штабов воинских частей и отдельных подразделений, и их заместители, а также командиры рот и взводов.

Гәык-ԥсык ала ишәыдысныҳәалоит аҳәынҭқарратә телерадиоеилахәыра аԥҵара амш!

Абҵарамза 6, 1978 шықәса – ҭоурыхтә рыцхәуп Аԥсни аԥсуа жәлари рзы. Аҧсуа телехәаҧшра аира, ашьақәгылара иузаҟәымыҭхо иадҳәалоуп ахақәиҭреи, ахьыҧшымреи рзы ҳажәлари ҳинтеллигенциеи хацәынмырха ргылара. Уи ҳмилаҭ-хақәиҭратә қәԥара иалнаршаз аус дуқәа ируакуп.

Ателехәаԥшреи арадиои рҿы аусуразы иаҭахуп агәацԥыҳәара, аҭакԥхықәра ду аарԥшра, аус азҟазара. Есҽны, ԥсшьареи ныҳәамши неилымхкәа, ателерадиоеилахәыра аусзуҩцәа ҳтәылеи адунеи зегь аҟни имҩаԥысуа ахҭысқәа ҳажәлар ирызнаргоит.

Аԥсуа телехәаԥшреи арадиои ажәабжьқәеи егьырҭ адырраҭарақәеи ҳҳәынҭқарраҟны мацара акәымкәа, аҳәаанырцә иҟоу ҳдиаспора ахаҭарнакцәагьы ирдырыртә аҭагылазаашьа рырҭоит.

Аԥсуа телехәаԥшреи арадиои иахьагьы иеиҵагыло аҿар рааӡараҿы, акультуреи аҵарадырреи рыҿиараҿы, аҳәынҭқарра аргылара аус аҿы аҵак дуӡӡа рымоуп.

Имариаӡам амедиатә хархәагақәа рзы иахьатәи адунеи иқәнаргыло азҵаарақәа инарықәыршәаны, аамҭа иаҵамхакәа аусура, аинформациатә аалыҵқәа раҧҵара, иааиҧмырҟьаӡакәа атема ҿыцқәа рышьҭыхра, аҿиаразы алшара ҿыцқәа рыҧшаара. Аха ари зегьы аҳәынҭқарратә телеканал аколлектив тәамҩахә змам русурала имҩаҧысуеит.

Акыр иаԥсоу аҩызцәа! Шәиубилеитә ныҳәамш аҽны гәык-ҧсыкала ишәзеиҕьасшьоит агәамч ҕәҕәа, арҿиаратә гәалаҟара бзиа, ҧхьаҟатәи ақәҿиара ҿыцқәа!

Атәылахьчара аминистр,

аинрал-полковник В.И. Ануа