Аԥсны Аҳәынҭқарра Афинансқәа рминистрра,
аминистр В. В. Делба, аминистрра аилазаара
Аԥсны Атәылахьчара аминистрра анапхгареи, хаҭала сареи ҳахьӡала Аԥсны Аҳәынҭқарра Афинансқәа рминистрра анапхгареи аилазаареи ишәыдысныҳәалоит шәиубилеитә рыцхә!
Иахьа Аԥсны афинанстә усбарҭақәа хра змоу аекономикатә зҵаарақәа рыӡбараҿы узықәгәыӷша ҵаҵӷәны иҟоуп. Афинанстә усхк аусзуҩцәа рдырра, рыпрофессионалтә ҩаӡара, рҭакԥхықәра иалнаршоит шьаҿа-шьаҿала акәзаргьы атәыла аизҳазыӷьара, атәылауаа асоциалтә хьчара рыҭара, аԥсҭазаара аиӷьтәра.
Афинанстә ҭышәынтәалара цхыраагӡа дууп имариам ахықәкқәа рынагӡаразы, ҳаамҭа иацу ауадаҩрақәа риааиразы.
Анцәа иҳәааит Аԥсны ауааԥсыра рыбзазара марымажаны иҟало, адунеи реиҳа аҭышәынтәалара змоу атәылақәа рыгәҭа игыло. Уи аус знапы алаку зегьы ишәзеиӷьасшьоит агәабзиара, аманшәалара, ақәҿиарақәеи аихьӡарақәеи.
Атәылахьчара аминистр,
аинрал-полковник В. Ануа
