Ҳаҭыр зқәу Сергеи Мирон-иԥа!

Аԥсны Аҳәынҭқарра Атәылахьчара аминистрра анапхгареи хаҭала сареи  гәык-ԥсык ала ишәыдаҳныҳәалоит шәира амш!

Шәара шәызнысыз аԥсҭазааратә мҩеи ааԥсарадатәи шәусуреи Аԥсадгьыл амаҵ ауразы иҿырԥшыганы иҟоуп.

80-тәи ашықәсқәа рынҵәамҭазы, Аԥсны ауаажәларра-политикатә ҭагылазаашьа ауадаҩхараан шәара жәлар Рфорум «Аидгылара» ахадараҿы шәгылан. Аԥсуа жәлар еидызкылоз, гәыцәс ирзыҟаз иреиуаз шәакәын.

Аԥсны жәлар Рџьынџьтәылатә еибашьра ашықәсқәа раангьы Аԥсуа Ар  реиҿкаара ахыҵхырҭаҿы шәыҟан.

Иуадаҩыз аибашьра ашьҭахьтәи аамҭақәа раан акәзаргьы аҭынч ԥсҭазаареи зқьышықәсалатәи атрадициақәеи реиҭарҿиаразы иалшоз ҟашәҵон.

Иахьатәи аамҭазы, Аԥсны Аҳәынҭқарра Ашәарҭадаратә хеилак амаӡаныҟәгаҩ иҳасаб ала атәыла амилаҭтә интересқәа шәыхьчоит.

Ҳаҭыр зқәу Сергеи Мирон-иԥа, иахьа, шәымшира аҽны азин сышәҭ ишәзеиӷьасшьарц агәабзиара зҩыда, ашықәснҵыра ду, гәыла-ԥсыла аҭынчра, Аԥсадгьыл амаҵ азураҿы ақәҿиарақәа.

Ҳаҭырла,

Атәылахьчара аминистр, аинрал-полковник В. И. Ануа