Login to your account

Username *
Password *
Remember Me
Четверг, 30 декабря 2021 11:20

Ишәыдысныҳәалоит Ашықәс ҿыц!

В Министерстве обороны Республики Абхазия прошло торжественное собрание, в ходе которого министр обороны, генерал-полковник Владимир Ануа, поздравил личный состав с наступающим Новым 2022 годом, а также подвел итоги работы оборонного ведомства за 2021 год.

«… Уходящий год, несмотря на трудности, подарил нам немало достижений, обогатил новым опытом. Последовательно решаются задачи, стоящие перед нашими Вооруженными Силами…

Дорогие защитники Отечества!

Пусть наступающий год принесет вам успех в профессиональной деятельности, откроет перед вами новые возможности, станет залогом стабильности и процветания!

Сердечно поздравляю вас, ваши семьи, родных и близких с Новым 2022 годом!».

Для личного состава Министерства обороны был организован праздничный концерт.

 

Аҩызцәа аррамаҵзурауаа, афицарцәа, аинралцәа, аррамаҵзурауаа, Аԥсны Арбџьар мчқәа рветеранцәа! Ҳаҭыр зқәу Аԥсны Аҳәынҭқарра атәылауаа!

Ашықәс ҿыц аныҳәа ҳашәхымс илагылоуп. Традицианы иҟоуп  агәыӷра ссирқәа ашықәс аныҳәа хада ааира  радҳәалара. Ҳәарада ҳаррамаҵзурауаагьы ақәгәыӷуеит ҳазҭало 2022 шықәса арратә мчрақәа, аҳәынҭқарра, ауаажәларра  иреиӷьӡоу аҭагылазаашьақәа рзаанагап ҳәа.

Ауадаҩрақәа маҷымкәа ишацызгьы ииасыз ашықәс иаҳнаҭеит аԥышәа ҿыц, иаҳзаанагеит аихьӡарақәа. Аԥсны Арратә мчрақәа рҿаԥхьа иқәгылаз аусдҵақәа шьаҿа-шьаҿала рынагӡара алыршахеит.

Шықәс дуӡӡак аҩныҵҟа дасу иԥсҭазаараҿ еиуеиԥшым ахҭысқәа мҩаԥысит. Иҳауз алшарақәа ҳамч агәра ҳдыргеит, иҳалымшаз ракәзаргьы баша имҩамсит – аиааиразы ишхьамҵтәу ҳдырбеит.

Аибашьра ашьҭахьтәи аамҭақәа рзы Аԥсны имаҷым аихьӡарақәа имҩаԥысыз. Урҭ шьаҭаны ирзыҟоуп – аџьа, аԥсадгьыл абзиабара, агәкамҳара.

Ашықәс ҿыц аламҭалазы аԥсадгьыл ахьчаҩцәа, атәыла ахьыԥшымреи ахақәиҭреи рзы зхы иамеигӡоз рҿаԥхьа аҽазныкгьы  ҳхырхәоит.

Ҳаҭыр зқәу аҩызцәа!

Арратә мчқәа  рыҿиара шьаҭаны иамоуп атәылеи адунеии рҿы арра-политикатә ҭагылазаашьа.

Имҩасуа ашықәс имариаз шықәсны иҟамызт. Ҳара ҳҿаԥхьа иқәгылаз акоманда-штабтә, амобилизациатә, азыҟаҵаратә, аҵара-ҽазыҟаҵаратә уҳәа ауснагӡатәқәа  акыр ирацәан. Урҭ зегьы хра рыманы аӡбра рыҭан.

Жәларбжьаратәи арратә усеицура аусхк аҟны аԥыжәара аҳҭоит ҳастратегиатә партниор, Урыстәылатәи афедерациа аус ацура. Ҳара иаҳхықәкуп  Урыстәыла Арбџьар мчқәеи ҳареи ҳархәҭақәеи ҳарҟәшақәеи реинырра асистема арҿиара, арҭбаара, анапы зҵаҩу аиқәшаҳаҭрақәа рыԥҟаԥҵәақәа рынагӡара.

Аҩызцәа, аррамаҵзурауаа, Атәылахьчара аминистрра ҭабуп ҳәа ахнаҳәаауеит  қәҿиарала шәнапынҵақәа ахьынашәыгӡо, арратә еилазаара аҵарадырра иахьазшәырҳауа, аҳәынҭқарра ахьчара набыцра амакәа иахьеиҿышәкаауа.

Ҷыдала ҭабуп ҳәа расҳәоит  абарҭ аныҳәамшқәа раан атәылеи ауаажәлари рҭынчра хьчо знапынҵақәа назыгӡо аррамаҵзурауаа. Гәык-ԥсык ала ҳазҭало 2022 ашықәс ҿыц рыдысныҳәалоит аҳәынҭқарра уаҵәтәи аԥеиԥш ҳәа ҳазхәаԥшуа –  ахара,   Урыстәыла арра-ҵаратә усҳәарҭақәа рҿы аҵара зҵо афицарцәеи акурсантцәеи.

 Ҳаҭыр зқәу аҩызцәа!

Ишәзаанагааит иааиуа ашықәс ҿыц аҭынчра, аизҳазыӷьара, шәзанааҭтә ус аҿы аихьӡарақәа, аҭышәынтәалареи ашәҭыкакаҷреи ҵаҵӷәны иззыҟалаша  алшара дуқәа!

Дасу ҭаацәала, шәыуа-шәҭахыра, шәыззаигәо, ишәывагылоу ауаа нашәыдкыланы  ишәыдысныҳәалоит Ашықәс ҿыц!

 

Атәылахьчара аминистр, аинрал-полковник В. И. Ануа

Прочитано 1127 раз Последнее изменение Четверг, 30 декабря 2021 11:27