Ҳаҭыр зқәу Сократ Раҷ-иԥа!

Ҳаҭыр ду шшәықәысҵо азгәаҭо, Аԥсны Аҳәынҭқарра Атәылахьчара аминистрра аилазаара, хаҭала сара – ҳахьӡала ишәыдысныҳәалоит шәымшира.

Сократ Раҷ-иԥа, Шәара шәира амшныҳәа шәаԥылоит Аԥсни анҭыҵи шәеицырдыруа, шәыхьӡ-шәыԥша ыҟаны, ажәлар рыбзиабара шәыманы. Шәара шәыԥсҭазаара аиҳара аҭакзыԥхықәу аусқәа рынагӡара иазкын, шәыжәлари шәыдгьыли рымаҵ аура иазырхан. Шәара шәиарӷьажәҩаны шәивагылан Аԥсны раԥхьатәи ахада – Владислав Григори-иԥа Арӡынба. Иарбанызаалак шәнап ианыз аус аҿы иаашәырԥшуан апрофессионализм ду, аҟәыӷара, ахамеигӡара.

Абри аныҳәамш аҽны ишәзеиӷьасшьоит агәабзиара, ақәҿиарақәа, иарбанызаалак шәхы назқәышәкуа аусқәа зегьы  рынагӡараҟны аихьӡарақәа, аҭаацәаратә насыԥ.

Шәагымхааит зԥеиԥш шәахӡыӡо Аԥсынра!

Ҳаҭырла,

Аԥсны Аҳәынҭқарра Атәылахьчара аминистр,

аинрал-полковник                                                                           В. Ануа