Ҳаҭыр зқәу аветеранцәа, ҳаҭыр зқәу аҩызцәа!
Ишәыдысныҳәалоит Аԥсадгьыл ахьчаҩ Имш!
Иахьа, гәадура дула иаҳгәалаҳаршәоит аиҳабыратә абиԥара рырра-фырхаҵаратә мҩа – аамҭа аӡырҩаш ззымиааиуа, Аԥсадгьыл хәызмам амал ду.
Ахаангьы Аԥсны аибашьцәа Аԥсадгьыл рыхьчон, ажәытәӡатәи аамҭақәа рҟынтәи афырхацәа рыхьӡ-рыԥша еизырҳауа. Дарбанызаалак атәылауаҩ иԥсадгьыл ахь имоу абзиабара, ихы-иԥсы ахҭынҵаны идгьыл ахьчара – абарҭ роуп дара иааишьа рымамкәа иҟазҵо.
Ҳгәалашәараҿы иаанхоит аибашьра адәаҿы наӡаӡа иаанхаз, зыԥсҭазаарақәа ирмеигӡаз 1941-1945 шықәсқәа раантәи Аџьынџьтәылатә еибашьра Ду аветеранцәа, ҳгәаҵаҿ ԥсраҽнынӡа иҳацзаауеит 1992-1993 шықәсқәа раантәи Аԥсны жәлар Рџьынџьтәылатә еибашьра аветеранцәа ргәымшәара, рфырхаҵара, рхымшаҭара. Ԥхьаҟатәи абиԥарақәа рзгьы урҭ рхымҩаԥгашьа наӡаӡаз иҿырԥшыгоуп, имҩақәҵагоуп.
Ҳаҭыр зқәу аҩызцәа, ишәзеиӷьасшьоит агәабзиара зҩыда, аманшәалара, уаҵәтәи амшлашара, аҭынчра, Аԥсадгьыл-џьынџь ахьчараҿы алшара дуқәа.
Гәык-ԥсык ала ишәыдысныҳәалоит Аԥсадгьыл ахьчаҩ Имш!
Атәылахьчара аминистр, аинрал-полковник В. И. Ануа
