Ҳаҭыр зқәу Вахтанг Закан-иԥа!
Аԥсны Аҳәынҭқарра Атәылахьчара аминистрра анапхгареи хаҭала сареи ҳахьӡала гәык-ԥсык ала ишәыдысныҳәалоит 70-шықәса шәхыҵра!
Шәара шәыԥсҭазааратә мҩа Аԥсадгьыл ламысцқьалеи гәыкалеи амаҵ азура иаҿырԥшыгоуп.
Атәыла Аҩныҵҟатә полк ашьаҭаркыҩцәа шәреиуоуп, Аԥсадгьыл ахьчаразы абџьар иаҵагылаз шәраԥхьагылоуп, аибашьра ашьҭахьгьы гәык-ԥсык ала Аԥсны Арбџьар мчқәа рышьақәыргылара шәымч-шәылша азышәкит.
Иарбанызаалак амаҵзураҟны шәнап ианыз аусқәа зегьы ҭакԥхықәрала шәырзыҟан, шәырратәи шәуаҩытәыҩсаратәи уалԥшьа ишахәҭаз аиԥш инашәыгӡон. Шәара ахаангьы шәалыркаауан ахықәкынагӡара, азанааҭдырра, шәнапаҵаҟа иҟаз рыхӡыӡаара ахьшәылаз азы. Шәыԥсҭазааратә мҩа зегь ҿырԥшыгоуп арратә уалԥшьеи арратә лешәеи рынагӡара аус аҿы.
Ҳаҭыр зқәу, Вахтанг Закан-иԥа, шәиубилеимш аҽны ишәыдышәкыл гәыкалатәи азеиӷьашьарақәа: агәабзиара зҩыда, аҭаацәаратә насыԥ, аҭынч жәҩан, иарбанызаалак аусқәа рҿы ақәҿиарақәа, ҳаԥсадгьыл Аԥсны аизҳазыӷьараҿ аихьӡарақәа.
Ҳаҭырла,
Атәылахьчара аминистр, аинрал-полковник В. И. Ануа
