Ҳаҭыр зқәу Гарри Сергеи-иԥа!

Аԥсны Атәылахьчара аминистрра ахьӡалеи хаҭала сара сыхьӡалеи шәира Амш аҽны ишәыдышәкыл гәык-ԥсыкалатәи азеиӷьашьарақәа!

Аԥсны жәлар Рџьынџьтәылатә еибашьраан Аԥсадгьыл ахьчара шәгылеит, фырхаҵарыла, шәхи-шәыԥси шәырмеигӡакәа ишәыхьчон шәыжәлари шәыдгьыли. Аибашьра ашьҭахьтәи аамҭақәа рзы, Атәылахьчара аминистр ихаҭыԥуаҩык иҳасаб ала  Аԥсадгьыли ажәлари рымаҵ аура шәазыхиан. Еснагь ишәан-изан, иазхәыцын шәпозициа аҳәынҭқарра астратегиатә интересқәа рыхьчараан. Абарҭ шәҟазшьақәа рзы аусбарҭа анапхгара, аофицаотә корпус, Арратә Мчқәа реилазаара зегьы ҳаҭыр-пату ду шәықәырҵоит.

Иахьагьы шәара аҵак ду змоу, имариам аус шәнапы иануп. Аԥсни Приднестровиеи ртәылауаа ринтересқәа рыхьчара шәаҵагылоуп. Шәаԥхьаҟагьы шәыԥсҭазааратә ԥышәа ду, шәҟазара ҳарак шәнап иану аусқәа рынагӡараҿы ицхыраагӡазааит. Шәыԥсҭазааратә мҩаҿы шәыкәша-мыкәша иҟоу шәҩызцәа рыжәҩахыр шәыгымзааит.

Имариам шәусхк аҿы ишәзеиӷьасшьоит ақәҿиарақәа, аманшәаларақәа. Ишәымазааит агәабзиара зҩыда, ақәранҵыра ду. Иҭынчзааит шәыжәҩан!

Атәылахьчара аминистр и.н.

аинрал-полковник Б. А. Ҵәыџьба