«Абаза-ТВ»  адиректор хада Р. М. Ҳашыг

Ҳаҭыр зқәу Руслан Мкан-иԥа!

Аԥсны Аҳәынҭқарра Атәылахьчара ахьӡалеи хаҭала сара сыхьӡалеи ателеилахәыра Абаза-ТВ аколлективи, ҷыдала шәареи гәык-ԥсык ала шәиубилеи шәыдысныҳәалоит.

Абаза-ТВ ҳтәыла аԥсҭазаараҿы  ароль ҷыда назыгӡо массатә хархәаганы ишьоуп. Аилахәыра  ипрофессианалу, хьӡы-ԥша змоу, ииашоу аоперативтә информациа ауааԥсыра ирызназго хыҵхырҭаны ишьоуп. Обиективла  атәылаҿ имҩаԥысуа апроцессқәа аанарԥшуеит. Шәара, атәылаҿ иҟоу-иану аарԥшра адагьы, еиҿышәкаауеит ииашоу ауаажәларратә гәаанагара.

Абаза-ТВ ауадаҩрақәа шаԥынгылазгьы аԥсуа медиа-ҵакыраҿ ахатә ҭыԥ ннакылеит. Иахьа ателеилахәыра апроектқәа аҽакы иаламҩашьо иҟоуп аинформациа азнеишьа, агәаанагара аобиективреи ахьыԥшымреи рыла.

Аилахәыра анапхгара рактивтә позициеи  рыпрофессионализми, иара аусзуҩцәа рус ахь иаадырԥшуа абзиабареи рбаҩхатәра ҷыдеи  агәра удыргоит ԥхьаҟагьы русура аҿиара бзиа шаиуазы.

Ҳаҭырла,

Атәылахьчара аминистр, аинрал-полковник В. Ануа