Login to your account

Username *
Password *
Remember Me

Аԥсны аҩбатәи ахада  Сергеи Уасил-иԥа Багаԥшь иԥсҭазаара даналҵыз амш азы  анышә дахьамадоу Џьгьарда ақыҭаҿ имҩаԥысит агәалашәаратә церемониа.

Аԥсны Аҳәынҭқарра Атәылахьчара аминистрра анапхгара, афицарцәа, Очамчыратәи агарнизон аиҳабыра  аҭааит Џьгьарда ақыҭа, ашәҭшьыҵәрақәа шьҭарҵеит Сергеи Уасил-иԥа инышәынҭраҿы.

 

Аԥсны Аҳәынҭқарра ахада, Аԥсны Аҳәынҭқарра Арбџьар мчқәа ркомандаҟаҵаҩ хада (2005 – 2011шш.) Сергеи Уасил-иԥа Багаԥшь иԥсҭазаара далҵит лаҵара 29, 2011 шықәсазы.

Иара имҩа ахаҵареи агәеицамкреи ирымҩан, аԥсадгьыли ажәлари рымаҵ аура иазырхан.

Сергеи Уасил-иԥа Аԥсны ажәлар рмилаҭ-хақәиҭратә қәԥара ахыҵхырҭаҿы дгылан. Аԥсны жәлар Рџьынџьтәылатә еибашьра аԥхьатәи амшқәа инадыркны Аԥсны ахақәиҭреи ахьыԥшымреи дырзықәԥаҩын.

 Ҳҳәынҭқарра  ашьақәгылареи аҿиареи еиуеиԥшымыз аамҭақәа рзы иара иааникылон анапхгараҭаратә ҭыԥқәа. Аиҳабыра  рхадараҿы дгыланы жәҩахыла дивагылан Владислав Григори-иԥа Арӡынба. Анаҩс, уи дишьҭрақәлаҩны Сергеи Уасил-иԥа Аԥсны ахьыԥшымразы ақәԥаратә ус иациҵон. Ажәлар драԥхьагылан уи азин ихьчон. Сергеи Уасил-иԥа Багаԥшь ихьӡ иадҳәалоуп Урыстәылатәи Афедерациеи егьырҭ адунеи атәылақәеи Аԥсны ахьыԥшымреи ахақәиҭреи разхаҵара.

Сергеи Уасил-иԥа илагала дууп  Аԥсны Аҳәынҭқарра Арбџьар мчқәа реиҿкаара, ашәарҭадара аиҿкаара, аҳәынҭқарра амилаҭтә интересқәа рыхьчара русхк аҿы.

Инаӡаӡоуп Сергеи Уасил-иԥа Багаԥшь игәалашәара.

Смотреть встроенную онлайн галерею в:
https://md.apsny.land/novosti/item/697-sergei-uasil-i-a-baga-sh-ig-alash-araz#sigProId2a33d70cd2
Последнее изменение Воскресенье, 29 мая 2022 12:48