Аҧсны Атәылахьчара аминистр, аинрал-полковник Владимир Ануа ашәҭшьыҵәрақәа шьҭеиҵеит Сергеи Багаҧшь ибаҟа амҵан. Лаҵара 29 аҽны, Аҧсны аҩбатәи ахада Сергеи Багаҧшь иҧсҭазаара даналҵ амш азы Аҧсны Атәылахьчара аминистрра анапхгара, аррамаҵзурауаа, арратә ҵараиурҭа акурсантцәа рхы аладырхәит Сергеи Багаҧшь анышә дахьамадоу Џьгьарда ақыҭан имемориал аҿаҧхьа ашәҭшьыҵәрақәа рышьҭаҵара ацеремониа.