Аԥсны Атәылахьчара аминистрра анапхгара, Аԥсны Жәлар Рџьынџьтәылатә еибашьра аветеран, "Агәымшәаразы" амедал занашьоу, Жәлар Реизара -Апарламент VII ааԥхьара адепутат Вахтанг Владимир-иԥа Гәаланӡиа рыцҳарала иԥсҭазаара иалхәыдатәра инамаданы, гәалсра дула адашшылара ҟаҳҵоит.

Аԥсны Жәлар Реизара -Апарламент аҩныҵҟа иҟалаз ахҭыс хлымӡаах даара ҳгәы иалсны иҳадаҳкылеит, ас еиԥш иҟоу аусқәа ӷәӷәала ҳашрықәыӡбогьы ҳҳәоит. Агәрагара ҳамоуп иҟалаз азы аҭакԥхықәра зду ауаҩы ихәҭоу ашьауӷа дшақәшәо, ахьырхәра шиоуа.

Ихьанҭоу, игәыхь дуу абри аамҭазы, Вахтанг Владимир-иԥа Гәаланӡиа иҭаацәа, игәакьацәа, иуацәа-иҭахцәа шәгәырҩа шәыцеиҩаҳшоит, лахьеиқәҵарала шәара шәеиԥш ҳаргьы абри харҭәаашьа змам ацәыӡ ду ҳхаагоит.